Garancitë e sigurisë/ Zelensky: Plani për paqe i SHBA-së kërkon diskutim më të gjerë

Plani i paqes i SHBA-së kërkon diskutim të mëtejshëm të disa “çështjeve të ndjeshme”, duke përfshirë garancitë e sigurisë për Ukrainën dhe kontrollin mbi rajonet lindore, tha Vladimir Zelensky në një intervistë.

“Ekzistojnë vizione për SHBA-në, Rusinë dhe Ukrainën — dhe ne nuk kemi një pikëpamje të unifikuar për Donbasin”, tha ai, duke shtuar se kjo vlen edhe për garancitë e sigurisë.

Zelensky foli me Bloomberg pasi Presidenti i SHBA-së Donald Trump tha se ishte i zhgënjyer që Zelensky nuk e kishte shqyrtuar ende draft-marrëveshjen e paqes të përgatitur nga administrata amerikane.

Zelensky sapo ka fluturuar për në Londër, ku është planifikuar të takohet me kryeministrin britanik Keir Starmer, kancelarin gjerman Friedrich Merz dhe presidentin francez Emmanuel Macron për të diskutuar propozimin e SHBA-së.

Rruga Press