Franca nxjerr në rrugë autobusin e parë pa shofer në Europë

Një autobus pa shofer në Francë është automjeti i parë i këtij lloj që autorizohet të vendoset në qarkullim në një rrugë publike. Autobusi i vogël që mund të transportojë deri në 12 pasagjerë ka kryer prova në një kampus në qytetin jugor të Tulusës që nga muaji mars.

Por javën e shkuar, ministri francez i Transporteve Jean-Baptiste Djebbari autorizoi lëvizjen e autobusit pa shofer nëpër rrugët publikë.

“Ky është një hap i rëndësishëm përpara në komercializimin e automjeteve pa shofer si në ambiente private ashtu edhe në rrugët publike”, tha Benoit Perrin menaxheri i përgjithshëm i kompanisë së prodhimit të këtyre automjeteve ‘EasyMile’.

Autorizimi i dhënë nga Ministria franceze e Transporteve e bën automjetin e ‘EasyMile’ të parin që  lejohet të lëvizë në të njëjtën rrugë me automjete të tjera, këmbësorë dhe çiklistë pa pasur një shofer që ta drejtojë./euronews/

RrugaPress