Franca e Spanja, bashkë për shënimin e 50-vjetorit të vdekjes së Picassos

Franca dhe Spanja planifikojnë që vitin e ardhshëm të organizojnë një sërë ngjarjesh ndërkombëtare me të cilat do të shënohet 50-vjetorin i vdekjes së Pablo Picassos. Ministria e Kulturës e Francës ka njoftuar se Picasso do të nderohet si një artist universal, i cili si promotor i madh i të drejtave të njeriut dhe lirisë së shprehjes, ka vënë themelet e parimeve të Bashkimit Evropian.

“Guernica” e tij e famshme është bërë simboli më i madh ndërkombëtar kundër luftës në historinë moderne, kanë thanë zyrtarët francezë.

Në Paris gjendet një prej muzeve më me peshë në botë, dedikuar artistit me nam.

Muzeu i Picassos në kryeqendrën franceze mund të krenohet me koleksionin më të madh në botë të veprave të këtij artisti. Për shënimin e përvjetorit është themeluar një komitet i përbashkët midis dy vendeve, dhe organizatorët e shohin këtë si një prej ngjarjeve më të mëdha evropiane e botërore të vitit që vjen. Janë planifikuar gjithsej rreth 40 ekspozita dhe ngjarje të tjera, kryesisht në Evropë dhe Amerikën e Veriut.

Picassoja u lind më 25 tetor 1881 në Malaga në jug të Spanjës dhe vdiq në moshën 91 vjeçare, më 8 prill 1973 në Mougins në jug të Francës.

Rruga Press