(Foto) Protestë me flamurin ukrainas në Londër/ Qindra litra bojë të verdhë dhe blu para Ambasadës ruse
Një grup aktivistësh derdhën qindra litra bojë të verdhë dhe blu në rrugën përpara Ambasadës ruse në Londër duke krijuar flamurin ukrainas për të përkujtuar përvjetorin e parë të pushtimit.
Grupi protestues “Led By Donkeys” ndaloi trafikun përpara se të derdhte 300 litra bojë në rrugën përpara Ambasadës së Rusisë në Londër.
“Ukraina është shtet i pavarur dhe popull me të gjitha të drejtat për vetëvendosje”, tha grupi në një deklaratë.
“Ekzistenca e një flamuri ukrainas me përmasa masive përpara hyrjes së ambasadës (së presidentit rus Vladimir Putin) në Londër do të shërbejë për t’ia kujtuar atij këtë.”
Protesta të shumta u zhvilluan në përvjetorin e parë të luftës në Ukrainë në mbarë botën.
Konflikti njëvjeçar ka shkatërruar zona të shumta të Ukrainës dhe sipas burimeve perëndimore ka shkaktuar 150,000 viktima nga secila palë.
Rruga Press