Finlanda do të zgjasë mbylljen e kufirit me Rusinë

Qeveria finlandeze ka thënë se do të zgjasë mbylljen e kufirit të saj me Rusinë deri në një njoftim tjetër.

Sipas mediave të huaja, qeveria gjithashtu shtoi disa porte në listën e saj, ku udhëtimi do të ndalohej.

Finlanda, e cila kohët e fundit iu bashkua NATO-s, mbylli kufijtë e saj tokësorë me Rusinë në fund të vitit të kaluar, pas një rritjeje të kalimeve të emigrantëve nga fqinji i saj.

Shteti finlandez akuzoi Moskën për përdorimin e migracionit si armë, në përgjigje të pranimit të saj në NATO.

Rusia e ka mohuar këtë.

Ministrja e Brendshme e Finlandës, Mari Rantanen tha: “Autoritetet finlandeze e shohin këtë si një situatë afatgjatë. Ne nuk kemi parë asgjë këtë pranverë që do të na çonte në përfundimin se situata ka ndryshuar në mënyrë domethënëse.”

Rruga Press