Finalja e Conference League, në gatishmëri edhe Garda Kombëtare

Garda e Republikës së Shqipërisë do të marrë nën mbrojtje të gjitha institucionet e rëndësisë së veçantë.

Marrja në mbrojtje e këtyre institucioneve është pjesë e planit të masave. Arsyeja e këtij vendimi është për t’i paraprirë incidenteve nga tifozëritë e dy skuadrave, Romës dhe Feyenoordit, të cilat kanë shkaktuar rrëmujë dhe situata të pakëndshme që prej ditës së djeshme.

Garda do të pozicionohet në të gjitha institucionet kryesore që ndodhen në Bulevardin “Dëshmorët e Kombit”, aty ku edhe do të jetë përqendrimi më i madh i tifozëve.

Finalja e Conference League do të zhvillohet në orën 21:00 në stadiumin “Air Albania”, mes Romës dhe Fejnordit.

Rruga Press