Fauci: Vaksina kundër COVID-19 nuk do ta ulë menjëherë nivelin e vdekshmërisë

Dr Anthony Fauci ka deklaruar të hënën se vaksina kundër Covid-19 nuk do ta ulë menjëherë nivelin e vdekshmërisë.

Në një komunikim për mediat, eksperti i sëmundjeve infektive në SHBA, tha se nëse një sasi e mjaftueshme e njerëzve do të vaksinohen në kohë, kjo pandemi mund të vendoset nën kontroll.

Fauci festimet e Krishtlinjeve i sheh me shqetësim, pasi u shpreh se mund të ndikojnë tek ritja e ndjeshme e rasteve.

Fauci tha se rritja e rasteve në SHBA ishte e parashikueshme dhe shtoi se është shqetësuese.

SHBA është vendi i parë në botë për numrin e infektimeve me 14,879,831 që nga fillimi i pandemisë. Të hënën janë regjistruar 154.774 raste dhe 1,036 viktima. Totali i jetëve të humbura ka shkuar 285,564 persona.