Familjet e pengjeve izraelite protestojnë në parlamentin e Izraelit

April 3, 2024April 3, 2024 user5

Këto janë pamjet e një proteste brenda Knessetit të Izraelit – ose parlamentit – sot nga familjet dhe mbështetësit e pengjeve izraelite.

Më 7 tetor të vitit të kaluar, Hamasi sulmoi Izraelin, duke vrarë 1200 njerëz dhe duke marrë peng 253.

Shumë u liruan gjatë një armëpushimi të shkurtër në muajin nëntor, por mendohet se rreth 100 pengje dhe eshtrat e 30 të tjerëve mbahen ende nga grupi militant palestinez.

Lexo më shumë Blinkeni në vizitë të paparalajmëruar në Kiev

Udhëheqësi i opozitës izraelite, Yair Lapid shprehu simpatinë për anëtarët e familjes dhe dënoi qeverinë për trajtimin e çështjes, raporton skynews.

“Këto janë familjet e pengjeve që ju i braktisët, të cilët u bënë robër në tunelet e Hamasit nën vëzhgimin tuaj. Nuk ka asnjë vend tjetër në botë ku kjo qeveri do të kishte mbetur në pushtet më 8 tetor. Është turp për breza që keni mbetur në pushtet, por nëse do të qëndroni në pushtet, atëherë kujdesuni për robërit dhe familjet e tyre”, pohoi ai.

Lexo më shumë OKB: Afër gjysmë milionë palestinezë janë zhvendosur për shkak të luftimeve në Rafah dhe veri të Gazës

Ndryshe, gjatë muajit të kaluar Izraeli ka liruar disa të burgosur palestinezë në këmbim të pengjeve izraelite.