Eurostat: Numri i refugjatëve ukrainas në BE rritet në mbi katër milionë

July 8, 2023July 8, 2023 User2

Mbi katër milionë qytetarë ukrainas, që nga 31 maji, gëzojnë mbrojtje të përkohshme në vendet e BE-së, raportoi sot Eurostat.

Sipas Eurostat, është regjistruar një rritje prej 57 000 refugjatësh ose (1,4%) që u larguan nga lufta në Ukrainë krahasuar me muajin prill.

Mbi një milion ukrainas morën statusin e mbrojtjes së përkohshme në Gjermani ose (28%) e totalit të refugjatëve.

Lexo më shumë Kryeministri në ardhje i Serbisë: Do të mbajmë miqësinë me Kinën e Rusinë, nuk vendosim sanksione për luftën ruse në Ukrainë

E ndjekur nga Polonia me 991 000 ukrainas të pranuar ose 25%, dhe Republika Çeke me 340 000 refugjatë ose 8%.

Rritjet më të ndjeshme në baza mujore të përfituesve të mbrojtjes së përkohshme janë regjistruar në Gjermani (+21 000 ose +2%) dhe Republikën Çeke (+8 000 ose +2,5%).

Në maj, qytetarët e Ukrainës përbënin 98% të përfituesve të mbrojtjes së përkohshme në territorin e BE-së.

Lexo më shumë Macroni ripërsërit se nuk e përjashton dërgimin e trupave në Ukrainë

Pothuajse, gjysma e tyre janë gra (shumica e moshës 35-64 vjeç) dhe pak më shumë se një e treta (34,6%) janë fëmijë.

Burrat, përfaqësojnë më pak se një të pestën (18,8%) të totalit.

Rruga Press