Eurodeputeti spanjoll: Pavarësia e Kosovës është e pakthyeshme dhe e ligjshme
Deputetit i Parlamentit Evropian, spanjolli Jorde Sole, ka thënë se Pavarësia e Kosovës është e pakthyeshme dhe e ligjshme.
Ai këto komente i bëri gjatë fjalimit të tij në Parlamentin Evropian, derisa shtoi se mosnjohja e shtetësisë së Kosovës nga pesë vendet përfshirë këtu Spanjën, është një reflektim i frikës.
“Pavarësia e Kosovës është e pakthyeshme, e ligjshme dhe demokratike. Mosnjohja nga Spanja është një reflektim i frikës për të krijuar precedentë në lidhje me mënyrat për t’u bërë shtet. Pengimi i perspektivës evropiane të Kosovës është egoiste dhe na dobëson ne si Bashkim Evropian”, ka shkruar Sole në Twitter.
Ndryshe, sot Parlamenti Evropian do të votojë raportet për Kosovën, Serbinë dhe Bosnjë e Hercegovinën, që ishin miratuar para një muaji në Komisionin e Politikës së Jashtme. Votimi pason debatin e zhvilluar të martën mbrëma në Parlamentin Evropian për këto raporte.
✊🏼La independència de Kosovo és irreversible, legal i democràtica.
— Jordi Solé🎗🇪🇺 (@jordisolef) July 6, 2022
❌ El no reconeixement per part d’Espanya és relfexe de la por a sentar precedents en quan a les vies per esdevenir un estat.
🗣Obstaculitzar la perspectiva europea de Kosovo és egoista i ens debilita com a Unió pic.twitter.com/CxrnyoUBAb
Rruga Press