Escobari sot vjen në Kosovë

Emisari special i SHBA-së për Ballkanin Perëndimor, Gabriel Escobar, do ta vizitojë të hënën Kosovën, ku do të takohet me kryeministrin Albin Kurti.

Sipas njoftimit të Kryeministrisë, takimi do të bëhet në ndërtesën e Qeverisë në orën 18:00.

Ndërkohë, Kosovën sot do ta vizitojë edhe ndihmëssekretarja për Byronë e Çështjeve Evropiane dhe Euroaziatike, Karen Donfried.

Ajo do të nisë vizitën në Ballkanin Perëndimor nga Kosova.

Vizita e saj dhe e Escobarit vjen pas asaj të tre senatorëve amerikanë ditë më herët.

Donfried nga 25 deri më 29 prill do të qëndrojë në Shqipëri, Bosnjë-Hercegovinë, Kosovë, Mal të Zi, Maqedoninë e Veriut dhe Serbi.

Rruga Press