Erebara: Krahasimi i Nartës me Costa Navarino është i pavend dhe mashtrues

June 2, 2026 User2

Shkruan Gjergj Erebara

Unë kam qenë në Navarino të Greqisë, marinën e së cilës na e mori për shembull kryeministri dhe propaganduesit e tij. Dhe di që krahasimi me Nartën është krejt i pavend. Siç e shikoni në foto, hoteli Costa Navarino, – i cili në fakt, në shijen time, është një hotel banal, i përshtatshëm për ata që mendojnë se të pasurit pará të bën automatikisht të bukur, të mençur dhe magjepsës – është pesë kilometra larg lagunës. Navarino ka plazhin gjysmëhënor Paralia Voidokilias, në të cilin, jo vetëm që nuk ka ndërtime, por është e ndaluar të bësh kamping. Një rrip i ngushtë rëre ndan detin me lagunën e madhe, e cila nga ana e saj ndahet nga një rrip ranor me Gjirin e Navarinos. Në cepin jugor të Gjirit të Navarinos gjendet qyteza historike Pilos. Nëse do të kishim krahasim, do të duhej të thoshim që Greqia ka lejuar ndërtim në rripin e rërës mes plazhit në formë gjysmëhëne dhe lagunës, ku në fakt, Greqia nuk lejon as kamping.

Lexo më shumë SPAK-u godet fort qeverinë Rama, del e-maili për vilën e Ballukut në Dhërmi: "Zemër, po të dërgoj fotot e Belës, që të kuptosh në ç’fazë është shtëpia. Bela ka F-5, ndërsa ne kemi F-6. Në foton që kam bërë më afër me vilat ka vizatuar dhe ku do behet pishina. Më pëlqen shumë. Рuç"

Rruga Press