Empoli “shtëpia” e kuqezinjve, grupit të shqiptarëve i shtohet një talent 18 vjeçar

Empoli mbetet i dashuruar me shqiptarët. Klubi i Serie A, ku luajnë portieri Etrit Berisha, mbrojtësi Ardian Ismajli dhe sulmuesi Stiven Shpendi, ka afruar një tjetër talent kuqezi.

Bëhet fjalë për mbrojtësin 18-vjeçar, Adi Kurti. Djaloshi nga Elbasani firmosi kontratën që e lidh me Empolin, pas eksperiencës në akademinë e një tjetër klubi me emër përtej Adriatikut, si Sampdoria.

Mbrojtësi është një prej lojtarëve më të spikatur të përfaqësueses së 19-vjeçarëve të Shqipërisë.

Rruga Press