Ekzēkutohet me vare ish-mercenari rus që braktisi luftën

Pamjet e ekzekutimit me vare të një ish-mercenar rus , i cili u largua nga grupi mercenar Wagner ndërsa luftonte në Ukrainë, u postuan sot, të hënën në Telegram. 

Konkretisht, pamjet, autenticiteti i të cilave nuk është vërtetuar, janë postuar në rrjetin Telegram të Zonës Gri të lidhur me Wagner.

Personi që u ekzekutua thotë se emri i tij është Dmitry Yakushenko , ai është 44 vjeç, ka lindur në Krime dhe ka lënë burgun përpara se të bashkohej me Wagner. 

“Po planifikoja të gjeja ndonjë vrimë, siç thonë të ikja, nuk është lufta ime”, thotë 44-vjeçari, duke shtuar se ka në plan të heqë dorë.

Sipas postimit në kanalin Grey Zone, 44-vjeçari u arrestua në qytetin ukrainas të Dnipro.

“Pas kësaj, ashtu si kolegu i tij, Yevgeny Nuchin, u sëmur me të njëjtën sëmundje që të bën të humbasësh në qytetet e Ukrainës…dhe më pas zgjohesh në një bodrum në gjyqin tënd të fundit”, thuhej në mbishkrimin e videos, duke kujtuar ekzekutimin me një vare të një tjetër mercenari në nëntor të 2022.

Në filmimin e titulluar “video gjyqi për tradhtinë”, Yakushenko mund të shihet me kokën e fiksuar pas një muri me tulla, ndërsa një figurë e paidentifikuar në kamuflazh qëndron pas tij duke mbajtur një vare .

Rruga Press