Ekipi turk i KFOR-it kryen stërvitje në Podujevë

Ekipi turk kundër Sistemit të Avionëve Pa Pilot (UAS) i misionit të NATO-s në Kosovë (KFOR), kreu misionin e tij të parë në qytetin e Podujevës, rreth 30 kilometra larg kryeqytetit, Prishtinës.

Nënkoloneli turk Onur Kaymakçi, nga Komanda Rajonale e KFOR-it Lindje, mori pjesë në patrullë për të parë nga afër se si funksionojnë pajisjet.

KFOR-i vazhdon të zbatojë mandatin e tij, bazuar në Rezolutën 1244 të Këshillit të Sigurimit të Organizatës së Kombeve të Bashkuara (OKB) të vitit 1999, për të ofruar një mjedis të sigurt për të gjitha komunitetet që jetojnë në Kosovë dhe për të garantuar lirinë e lëvizjes, në çdo kohë dhe në mënyrë të paanshme, thuhet nga KFOR.

KFOR është reaguesi i tretë i sigurisë, pas Policisë së Kosovës dhe misionit të BE-së për Sundimin e Ligjit (EULEX), përkatësisht, me të cilët punon në koordinim të ngushtë.

Rruga Press