Edhe 40 milionë euro për FSK-në. Ministri Maqedonci: Duke investuar në ushtri po investojmë në sigurinë e qytetarëve tanë
Në mbledhjen e sotme të Qeverisë së Kosovës është ndarë buxhet shtesë prej 40 milionë euro për FSK-në.
Për këtë, ministri i Mbrojtjes, Ejup Maqedonci ka thënë se më këtë është tejkaluar buxheti prej 200 milionë eurove, apo mbi 2% e BPV, kriter ky për shtetet anëtare të NATO-s.
Lexo më shumë Gjenerali amerikan Osborn dekoron komandantin e FSK-së, Bashkim Jasharin me dy medalje
“Në mbledhjen e sotme të qeverisë u ndanë dhe 40 milionë euro shtesë për ushtrinë tonë, duke tejkaluar kështu buxhetin prej 200 milionë eurove, apo mbi 2% e BPV, kriter ky për shtetet anëtare të NATO-s.
Duke investuar në ushtri po investojmë në sigurinë e qytetarëve tanë dhe në mbrojtjen e integritetit të territorit të Republikës së Kosovës”, ka shkruar ai.
Rruga Press