E rrallë, bie borë në Afrikën Jugore

Afrika e Jugut po përshkohet nga një front masash të ftohta ajri, të cilat shkaktuan gjatë fundjavës ngrica dhe borë të dendur.

Muajt qershor deri në gusht përkon me stinën e dimrit për shtetin më jugor të Afrikës.

Shërbimi meteorologjik vendas, sidoqoftë, thotë se moti i këtij viti është i pazakontë dhe ka vështirësuar trafikun rrugor.

Qytetarëve u është sugjeruar t’i bëjë mirë planet para se ta lënë shtëpinë.

Fermerët janë udhëzuar të kujdesen për kafshët që mbajnë jashtë.

Reshjet më të dendura të dëborës ranë ditë më parë në rajonin e Lesotos dhe në Kuazulu-Natal ku temperaturat zbritën nën zero.

Autoritetet lëshuan alarmin e kategorisë 4 për motin ekstrem, duke paralajmëruar mundësinë e rreziqeve të konsiderueshme për vendin.

Sasitë e borës deri 20 centimetra u përqendruan në zonat malore dhe provincat e Kejpit Verior e Perëndimor, ku fronti i masave të ftohta shkaktoi erëra të forta dhe shira të rëndë.

Javën e kaluar Afrika e Jugut përjetoi reshje bore për herë të katërt në harkun e dy muajve.

Rruga Press