‘E dua punën time’, imazhet e saj me foshnjen afgane në krah u bënë virale, marinsja amerikane një nga ushtarakët që humbi jetën nga sulmi në Kabul

Të shtunën, zyrtarët identifikuna 13 anëtarët e marinës ushtarake amerikane të cilët u vranë në një sulm i ISIS-K jashtë aeroportit të Kabulit.

Midis tyre ishte Rreshterja e Trupave Detare, Nicole L. Gee, e cila vetëm disa ditë para vdekjes së saj ishte një nga disa marinsat që u panë panë duke mbajtur dhe ngushëlluar fëmijët afganë para evakuimit të tyre nga vendi.

Sipas mediave të huaja, më 21 gusht, Gee postoi një fotografi të saj duke mbajtur një fëmijë afgan në Instagram. “Unë e dua punën time,” shkroi 23-vjeçarja nga Sacramento.

Anëtarët e shërbimit amerikan ishin në aeroportin e Kabulit për të ndihmuar në evakuimin e dhjetëra mijëra njerëzve të mbetur të pambrojtur pasi talebanët pushtuan vendin. Gee u betua në marinë më pak se një vit më parë dhe u gradua në rreshter tre javë para sulmit në Kabul, sipas postimeve në llogarinë e saj në Instagram.

Në një postim tashmë viral në Facebook, një nga miqtë e Gee, Mallory Harrison, bëri një homazh emocional për mikun e saj.

“Makina e saj është e parkuar në vendin tonë. Është kaq e zakonshme. E thjeshtë. Por është atje … Kishte një shpërthim. Dhe ashtu si ajo, ajo është zhdukur … … Makina e saj është ende atje dhe ajo është zhdukur përgjithmonë,” – shkroi Harrison.

Gee ishte e martuar me një marins tjetër, Jarod Gee, tha motra e saj Misty Fuoco. Nicole postoi disa fotografi në Instagram të saj dhe burrit të saj duke festuar promovimin e tij në rreshter vetëm disa muaj më parë.

Bombardimi i së enjtes vrau 13 pjesëtarë të shërbimit amerikan dhe dhjetëra afganë. Njëmbëdhjetë nga 13 të vrarët ishin marinsë, dhe të gjithë përveç njërit ishin nën moshën 30. Tetëmbëdhjetë pjesëtarë të tjerë të shërbimit amerikan u plagosën.

Rruga Press