Dy ushtarë rusë u dënuan me 11 vite burg për krime lufte në Ukrainë

Dy ushtarë rusë të kapur u dënuan sot nga një gjykatë ukrainase me 11 vjet e gjysmë burg për bombardimin e një qyteti në lindje të Ukrainës.

Alexander Bobikin dhe Alexander Ivanov u deklaruan fajtorë javën e kaluar për krime lufte në gjyqin e dytë të tillë që nga fillimi i pushtimit rus në shkurt.

Të dy burrat pranuan se ishin pjesë e një njësie artilerie që qëlluan në rajonin e Kharkivit nga rajoni Belgorod në Rusi.

Bombardimet shkatërruan një institucion arsimor në qytetin e Derhachi, thanë prokurorët.

Ushtarët, të përshkruar si një shofer artilerie dhe një gjuajtës, u kapën pasi kaluan kufirin dhe vazhduan bombardimet, tha zyra e prokurorit të përgjithshëm.

Sot, ushtarët rusë dëgjuan vendimin duke qëndruar në një kuti xhami të izoluar në gjykatën e qarkut Kotelevska në Ukrainë.

Prokurorët i kishin kërkuar gjykatës burgosjen e ushtarakëve rusë për 12 vjet, ndërkohë që mbrojtja kërkoi që të tregoheshin më të butë, duke thënë se dy ushtarët kishin ndjekur urdhrat dhe ishin penduar.

Rruga Press