Dy raketa ruse kalojnë në hapësirën ajrore të Rumanisë dhe Moldavisë

Dy raketa ruse kaluan në hapësirën ajrore të Rumanisë dhe Moldavisë përpara se të qëllonin infrastrukturën kriike në Ukrainë të premten.

Valery Zaluzny, komandanti i përgjithshëm i forcave të armatosura të Ukrainës, tha se dy raketa Kaliber të lëshuara nga Deti i Zi hynë në hapësirën ajrore të Moldavisë dhe më pas fluturuan në hapësirën ajrore rumune përpara se të hynin në Ukrainë.

Ukrainska Pravda citoi zëdhënësin e Forcave Ajrore se Ukraina kishte aftësinë për të rrëzuar raketat, por nuk e bëri këtë sepse nuk donte të rrezikonte civilët në vendet e huaja.

Ndërkohë, Rusia nisi një valë sulmesh ndaj infrastrukturës ukrainase në qytetet Kharkiv dhe Zaporizhia të premten në mëngjes, ndërsa zyrtarët ukrainas thanë se një ofensivë e shumëpritur ruse ishte duke u zhvilluar në lindje.

Të paktën 17 raketa goditën qytetin juglindor të Zaporizhia brenda një ore. Rusia ka goditur vazhdimisht infrastrukturën civile larg vijës së frontit gjatë katër muajve të fundit, duke lënë miliona ukrainas në qytetet e mëdha pa energji, ngrohje ose ujë për ditë të tëra në mes të dimrit.

Sirenat e sulmit ajror u dëgjuan në të gjithë vendin gjatë orëve të para të mëngjesit dhe zyrtarët lokalë u kërkuan qytetarëve të strehoshin menjëherë.

Guvernatori rajonal i Kharkiv, Oleg Sinegubov raportoi rreth 10 shpërthime dhe tha se energjia elektrike ishte ndërprerë në disa zona. Infrastruktura e madhe u dëmtua gjithashtu në Khmelnytskyi në perëndim dhe në rajonin Dnipropetrovsk në Ukrainën qendrore, thanë zyrtarët rajonalë.

Zëdhënësi i Forcave Ajrore Yuriy Ikhnat tha për televizionin ukrainas se mbrojtja ajrore ukrainase rrëzoi pesë nga shtatë dronët dhe pesë nga gjashtë raketat Kaliber.

Megjithatë, Forcat Ajrore vuri në dukje gjithashtu se Rusia kishte lëshuar 35 raketa S-300, të cilat mbrojtja ajrore e Ukrainës nuk është në gjendje t’i rrëzojë, në rajonet Kharkiv dhe Zaporizhia.

Ukraina, megjithatë, e ka bërë të qartë se po planifikon kundërsulmin e saj të madh në muajt e ardhshëm për të rimarrë më shumë se një të pestën e territorit ukrainas që është në kontroll nga Rusia.

Por duket se do të presë derisa të marrë të paktën disa nga tanket kryesore të betejës dhe raketat me rreze më të gjatë të premtuar nga Shtetet e Bashkuara, Gjermania dhe aleatët e tjerë të NATO-s.

Rruga Press