Duhet të ishte në fluturimin e fundit drejt Romës, gazetari afgan një nga viktimat e sulmit terrorist në Kabul
Trupat italiane tashmë e kanë përfunduar misionin e tyre të evakuimit nga Kabuli pasi 2 fluturimet e fundit u kryen më 27 Gusht nga Kabuli drejt Fiumicinos me rreth 100 njerëz në bord.
Sipas mediave të huaja, këto ishin avionët e fundit të Forcave Ajrore që fluturojnë drejt Italisë për përfundimin e evakuimit nga Afganistani të ish-bashkëpunëtorëve afganë së bashku me familjet e tyre, gazetarë, personel diplomatik dhe ushtarak. Këtë mëngjes, rreth orës 8 të mëngjesit, një avion i tretë u ul me 58 afganët e fundit të evakuuar nga Kabuli.
Sulmet e së enjtes në aeroport përshpejtuan situatën dhe operacionet u mbyllën me nxitim. Masakra në aeroportin e Kabulit mori jetën e 200 njerëzve, 13 ushtarë amerikanë dhe 187 civilë, përfshirë tre shtetas britanikë. Në mesin e viktimave ishte dhe gazetari Alireza Ahmadi , një nga themeluesit dhe reporterët e agjencisë afgane të lajmeve Raha. Në Facebook ai shkroi se para se të largohej kishte shitur 60 libra për 50 afganë, të barabartë me 60 cent. Sipas gazetës La Repubblica Alireza ai duhej të largohej me fluturimin e fundit për në Romë.
Alireza ishte një nga gazetaret më të suksesshme në kryeqytetin afgan. Ai ishte fshehur në një vend sekret për dymbëdhjetë ditë, thotë gazetari Pierluigi Bussi, në errësirë dhe pa ushqim, ai ishte i rraskapitur. Ai duhej të largohej dhe nuk ia doli. Ai vdiq në moshën 35 vjeçare së bashku me dhjetëra gra, burra dhe fëmijë që ëndërronin shpëtimin.
Rruga Press