“Duhet ndryshuar Kushtetuta”, Loli: Kosova është peng i Listës Serbe dhe i opozitës që nuk pranon verdiktin e zgjedhjeve

Analisti Egon Loli, duke komentuar në emisionin “Të Paekspozuarit” në MCN TV, krizën politike në Kosovë, ndërsa vendi po shkon drejt zgjedhjeve të parakohshme brenda një viti, u shpreh se problemi kryesor në këtë krizë është roli që luan pakica serbe, që ka rol kushtëzues, sipas Kushtetutës së Kosovës, por edhe roli i opozitës, që nuk pranon rezultatin e zgjedhjeve.

“Fajin e parë e ka kushtetuta e Kosovës që para palës shqiptare detyron të bëjë kompromis me pakicat serbe. Në atë vend duhen ndryshuar shumë gjëra. S’ka arsye që zgjedhja e presidentit të kushtëzojë rrëzimin e qeverisë dhe shpërndarjen e kuvendit, sepse Kosova, është republikë parlamentare, duke hequr mekanizmin bllokues, por është pakica serbe që bllokon. Kjo i ka prishur punë Kosovës, duke u vënë pengesa, siç janë këto apo pranimi i asociacionit për të marrë pavarësinë.

Faktori tjetër është një pakicë politike që nuk pranon verdiktin e zgjedhjeve, të tre zgjedhjeve, shkurtit, nëntorit dhe zgjedhjeve vendore. Kjo pakicë është gati sa herë ka mundësi ta çojë vendin në zgjedhje duke u bashkuar ma pakicën serbe.

Lista serbe dhe opozita bëhen bashkë, siç ishte kësaj radhe për presidentin që bllokuan zgjedhjen e presidentit.

Ish-presidentja Vjosa Osmani u takua me kreun e LDK-së, Lumir Abdixhiku, duke treguar se ajo nuk ishte një kandidate për presidente apartiake, se duhej shkuar në zgjedhje.

Osmanin në fund e pranoi si kandidate për të mos shkuar në zgjedhje, por Osmani nuk i kishte 15 votat e LDK-së, sepse Abdixhiku tregoi një shkresë vetëm me firma, por jo emrat e 15 deputetëve që e mbështesnin”- tha Loli.

Rruga Press