Drejtori rajonal i OBSH-së për Evropë: Të hapen shkollat, fëmijët kanë vuajtur shumë gjatë 20 muajve të fundit

Fundi i verës në Evropë nënkupton edhe fillimin e një viti të ri shkollor.

Dhe në këtë kohë, sipas OBSH-së, e cila ka bërë thirrje për vaksinim, shkalla e lartë e transmetimit të COVID-19 në të gjithë Evropën është “thellësisht shqetësuese”.

Megjithatë, Dr. Hans Kluge, drejtor rajonal i OBSH-së në Evropë, ka bërë thirrje që shkollat të rihapen, duke nënvizuar se si mbyllja e tyre kishte ndikuar në shëndetin mendor të fëmijëve dhe jetesën e ardhshme, shkruan euronews.

“Fëmijët tanë kanë vuajtur shumë gjatë 20 muajve të fundit, veçanërisht ata që ishin tashmë të prekshëm dhe ose nuk mund të përfitonin nga mënyrat dixhitale të mësimdhënies. Ndryshe nga një vit më parë, ne tani jemi në gjendje t’i mbajmë ata të sigurt”, citohet të ketë thënë ai.

Në këtë drejtim, ai u bëri thirrje kombeve të zbatojnë strategji vaksinimi për mësuesit, personelin tjetër të shkollës dhe fëmijët mbi moshën 12 vjeç, veçanërisht nëse ata kanë kushte themelore.

Ai gjithashtu këshilloi shkollat që të marrin masa të tjera, përfshirë distancimin shoqëror, maskat dhe testimin e rregullt të stafit dhe nxënësve.

Ndryshe, Kluge, drejtor rajonal i OBSH-së në Evropë, u ka thënë gazetarëve se ndërsa verës i vjen fundi, fotografia epidemiologjike në 53 vendet që monitoron “është e përzier” me një “rritje më të madhe se 10% të rasteve të rasteve 14-ditore”, përcjell Telegrafi.

“Ky transmetim i lartë është thellësisht shqetësues, veçanërisht në dritën e marrjes së ulët të vaksinimit në popullatat prioritare në një numër vendesh”, ka thënë ndër tjerash ai, duke shtuar se rritja e rasteve dhe vdekjeve po vjen si pasojë e tre faktorëve kryesorë: varianti Delta, tani dominues në 15 vende; lehtësimi i masave të shëndetit publik; dhe rritja sezonale e udhëtimeve.

Veç këtyre, Kluge gjithashtu theksoi se “skepticizmi i vaksinave dhe mohimi i shkencës po na pengon të stabilizojmë këtë krizë” pasi marrja e ngadaltë e vaksinave mund të rrisë rastet dhe vdekjet dhe të çojë në shfaqjen e varianteve të reja shqetësuese.

Rruga Press