Drejtori i CIA-s: Programi bërthamor i Iranit është dëmtuar rëndë

June 26, 2025 user 1

Drejtori i CIA-s, John Ratcliffe, ka deklaruar se agjencia që udhëheq ka “inteligjencë të besueshme” që tregon se programi bërthamor i Iranit është “dëmtuar rëndë” nga sulmet e fundit amerikane.

Ratcliffe ka shkruar në X, se kjo përfshin “inteligjencë të re nga një burim apo metodë historikisht e besueshme dhe e saktë” që tregon se disa objekte kryesore bërthamore iraniane u shkatërruan.

Lexo më shumë Ja alternativat kundrejt Albin Kurtit: Njëri kryetar formal me qera, njëri kryetar pa përkrahje, njëra ''kush më bën presidente'', tjetri milioner pa punuar

Sipas tij, do të duheshin disa vite që këto objekte të rindërtoheshin.

Më herët, Administrata e presidentit Donald Trump, e ka kundërshtuar kategorikisht një vlerësim të rrjedhur të inteligjencës i cili sugjeron se komponentët kryesorë të programit bërthamor të Iranit nuk janë shkatërruar dhe të cilat mund të rindërtohen brenda muajsh.

Më parë në samitin e NATO-s, shefi i Shtëpisë së Bardhë, ka përsëritur pretendimin e tij se programi bërthamor ishte ‘zhdukur’.

Lexo më shumë Haxhiu mirëpret prezantimin e rezolutës në Kongresin Amerikan në mbështetje të anëtarësimit të Kosovës në NATO

Derisa, sekretari i Mbrojtjes Pete Hegseth, kishte deklaruar se vlerësimi paraprak i Pentagonit ishte bërë me “besim të ulët” dhe sipas tij Agjencia Federale e Hetimit (FBI) po hetonte këtë rrjedhje.

Rruga Press