Drejtori i ATK-së: Kosova në hap me administratat tatimore të BE-së

November 6, 2025 user 1

Drejtori i Përgjithshëm i Administratës Tatimore të Kosovës, Mentor Hyseni, së bashku me Zëvendësdrejtorin e Përgjithshëm, Isen Lipovica, morën pjesë në Samitin e Bashkimit Evropian të Administratave Tatimore (TADEUS), i cili u mbajt në Kopenhagë, Danimarkë.

Samiti u organizua nga Komisioni Evropian dhe Agjencia Daneze e Tatimeve, duke mbledhur përfaqësues nga administratat tatimore të vendeve anëtare të BE-së, si dhe nga vendet kandidate dhe vendet potencialisht kandidate për anëtarësim në Bashkimin Evropian.

Lexo më shumë Takohen në Mynih tre ministrat e mbrojtjes së Kosovës, Shqipërisë dhe Kroacisë, diskutojnë për industrinë e mbrojtjes

“Qëllimi kryesor i këtij samiti ishte thellimi i bashkëpunimit dhe shkëmbimit të përvojave ndërmjet administratave tatimore evropiane, me fokus në modernizimin e sistemeve tatimore, digjitalizimin e proceseve dhe përmirësimin e transparencës fiskale:, thuhet n njoftim.

Tutje thuhet se gjatë punimeve të samitit, Hyseni theksoi rëndësinë e bashkëpunimit ndërshtetëror dhe të digjitalizimit si shtylla thelbësore për forcimin e administratës tatimore të Kosovës, duke vënë theks të veçantë në integrimin e praktikave më të mira evropiane dhe përmirësimin e shërbimeve ndaj tatimpaguesve.

Lexo më shumë Ambasadori i Shqipërisë në Shkup, Denion Meidani priti në takim ish-ministrin Fërçkoski që dikur kërcënonte me spastrim etnik se "shqiptarët do të përfundojnë në Adriatik e do të notojnë për në Itali"

ATK thekson se pjesëmarrja në këtë samit reflekton përkushtimin e institucioneve të Kosovës për të qenë pjesë aktive e zhvillimeve evropiane në fushën e administrimit tatimor dhe për të avancuar standardet e transparencës, efikasitetit dhe integritetit profesional.

Rruga Press