‘Dramë për pacientët’, Stafa: ‘Avastina’ mungesë prej dy javësh, 800 euro në treg të zi, Edi Rama dhe ministria i lënë pa shpresë

Gazetari Osman Stafa ka vijuar me sagën e denoncimeve, mbi atë që po ndodh me mungesën e medikamenteve në Spitalin e Onkologjikut për pacientët që vuajnë nga sëmundjet kancerogjene.

Teksa ka bërë publike denoncimin nga një pacient në platformën e tij sociale në facebook, Osmani ndërsa e konsideron një dramë për institucionet shëndetësore të vendit, thotë se qytetarët të dëshpëruar, kërkojnë medikamentin “Avastinë” nëpër farmacistë e Tiranës.

Mungesa e një medikamenti të tillë sipas gazetarit Stafa, pamundëson marrjen e kimioterapisë për të sëmurët, duke bërë që ata t’i drejtohen tregut të zi për ta siguruar.

Statusi

Shikoni dramën!
Tronditesh kur pacientët me kancer, të dëshpëruar kërkojnë medikamentin “Avastinë” nëpër farmacistë e Tiranës.
Pra kjo kimio nuk gjendet në farmaci të hapura, pasi është medikament spitalore dhe atë e siguron vetëm Ministria e Shëndetësisë. Por spitali Onkologjik prej 2 javësh nuk e ka këtë medikament. 2 javë që pacientët me kancer nuk e marrin kimion.
Dhe në treg të zi flitet se kushton 800 euro.
Çmenduri!!!
Kryeministri i vendit Edi Rama, a kjo është pasaporta europiane për këta njerëz? Janë lënë në mëshirë të fatit. Të braktisur nga shteti e ministria.
Kërkojnë të luftojnë për të fituar mbi kancerin, por ju po ia mohoni shpresën. 

Rruga Press