Dogana e Kosovës parandalon një rast kontrabandimi me mallra nga Serbia

Dogana e Kosovës, gjatë ditës së sotme[e shtune] ka parandaluar një kontrabandë me mish të freskët edhi.

Sipas njoftimit të doganës, mishi po kontrabandohej nga Serbia në mënyrë ilegale.

Sasia e kapur nga dogana sipas këtij institucioni është rreth 100 kilogram.

“Prishtinë më 14 Shtator 2024, Njësia e TASK FORC-ës -Lindje (e përberë nga Dogana dhe Policia Kosovës) në zbatim të masave për parandalim dhe luftimin e paligjshmërisë dhe kontrabandës, kanë intensifikuar kontrollet taktike dhe operacionale në zonën kufitare SRB-RKS kanë identifikuar dhe arrestuar një person të dyshuar për kontrabandim me mallra/mish edhi i freskët. Pas tentimit të shmangies nga njësia jonë është arrit të ndalohet në magjistralen Gjilan -Prishtinë ku drejtues ishte i dyshuari F.B. i moshës 35 vjeçar nga fshati Novosellë i Kamenicës”, thuhet në njoftimin e doganës.

Në terminalin doganore janë dërguar automjeti dhe malli i kontrabanduar.

Gjithashtu bëhet e ditur se lidhur me rastin janë ndërmarrë të gjitha veprimet e nevojshme për trajtim të mëtutjeshëm sipas procedurave, me ç’rast janë njoftuar inspektorët e AUV-it ku rasti mbete te trajtohet nga njësitë relevante të Doganës së Kosovës.

Rruga Press