Dogana e Kosovës konfiskon mall me vlerë mbi 10 mijë euro

September 12, 2024 User2

Dogana e Kosovës të enjten ka konfiskuar mall me vlerë mbi 10 mijë euro në fshatin Sllatinë të Vitisë.

Sipas njoftimit, Dogana ka përcjellë një veturë me targa nga Kosova e cila ka hyrë ilegalisht nga brezi kufitar me Maqedoninë e Veriut dhe ka arritur ta ndalë në fshatin Sllatinë të Vitisë.

Lexo më shumë Industria përpunuese në Shqipëri në recesion të zgjatur, hyn në vitin e katërt të rënies, bashkë me bujqësinë

Janë konfiskuar 546 kilogramë mjaltë dhe 465 kilogramë duhan i papërpunuar. Ato, sipas njoftimit, ishin ndarë në kovë plastike.

“Vlera e mallit sipas tregut është mbi 10 mijë, ndërsa shmangie nga taksat doganore është mbi 18 mijë euro. Automjeti dhe malli i kontrabanduar është sekuestruar dhe dërguar në terminalin doganorë në Ferizaj. Rasti mbetet të trajtohet nga njësit relevante të doganës së Kosovës”, thuhet në njoftim.

Lexo më shumë BQK mirëpret hapin e Qeverisë për SEPA-n: Kosova drejt integrimit në sistemin evropian të pagesave

Rruga Press