Dodiku pro rus me akuza, profesori amerikan Serwer i përgjigjet: Paratë serbe kanë blerë shumë të tjerë, por jo mua

Anëtarit serb të Presidencës së Bosnje e Hercegovinës, Milorad Dodik i njohur si politikan pro rus, i kanë penguar analizat e profesorit amerikan të John Hopkins, Daniel Serwer, mbi situatën në Ballkan, si dhe raportit mes të Kosovës dhe Serbisë.

Përmes një postimi në Twitter, Dodik shpifi për të duke thënë se është lobist kundër serbëve.

“Në egërsinë e tij ndaj serbëve, të cilën ai e ka shfaqur për dekada, Server mbeti i fundit i atij grupi lobistësh në Uashington”, ka shkruar Dodik.

Por, kësaj i është kundërpërgjigjur Serwer, i cili tha se nuk do të mund ta blejnë atë me para të lobit serb.

“Është e vërtetë që paratë e lobit serb kanë blerë shumë të tjerë në Uashington. Por ato nuk do të më blejnë mua”.

It is true that Serb lobbying money has bought a lot of others in Washington. But it won't buy me. https://t.co/0ZGTe5D7oC

— peacefare.net (@DanielSerwer) January 17, 2023

Ditë më parë profesori amerikan Serwer kritikoi pushtetin në Serbi se po shkon drejt autokracisë dhe se presidenti serb Vuçiq më shumë është orientuar drejt Rusisë e Kinës.

“Ai po anon shumë në drejtimin e Moskës dhe Pekinit ndërkombëtarisht dhe drejt autokracisë brenda vendit”. /kosovanews/

Rruga Press