“Diplomacia ekonomike në aksion”, Osmani në Katar, thotë se po angazhohet për zhbllokimin e potencialit ekonomik
Presidentja e Kosovës, Vjosa Osmani, aktualisht ndodhet në Doha të Katarit, shoqëruar nga një delegacion i përbërë nga përfaqësues të bizneseve kosovare.
Në një postim në platformën X, Osmani ka thënë se qëllimi i kësaj vizite është krijimi i partneriteteve të reja, rritja e marrëdhënieve tregtare dhe zhbllokimi i potencialit ekonomik të vendit.
Presidentja Osmani ka theksuar rolin e diplomacisë ekonomike në këtë iniciativë, duke shprehur përkushtimin e delegacionit për të shtuar investimet në Kosovë.
“Diplomacia ekonomike në veprim! Jemi në Doha të Katarit me një delegacion dinamik të bizneseve kosovare të lulëzuara, të fokusuar në krijimin e partneriteteve, rritjen e marrëdhënieve tregtare dhe zhbllokimin e potencialit ekonomik përmes rritjes së investimeve”, ka shkruar Osmani mbrëmjen e së dielës në X.
Economic diplomacy in action!
— Vjosa Osmani (@VjosaOsmaniPRKS) February 25, 2024
We are in Doha, Qatar with a dynamic delegation of thriving Kosovar businesses, focused on forging partnerships, boosting trade relations, and unlocking economic potential through increased investment. 🇽🇰🇶🇦 pic.twitter.com/kfF4EL0VeR
Presidentja Osmani gjithashtu ka shprehur besimin se kjo vizitë do të kontribuojë në avancimin e lidhjeve ekonomike dhe krijimin e mundësive të reja për zhvillim në Kosovë.
Rruga Press