Deputetja ukrainase: Ukraina qëndron me Kosovën, sovraniteti juaj nuk duhet të cenohet
Situata e tensionuar në veriun e Kosovës, përpos ndikimit në vendin tonë, ka marrë jehonë edhe jashtë territorit të Kosovës.
Në vazhdën e reagimeve të ndryshme nga akterë të ndryshëm ndërkombëtarë, mbështetje për Kosovën ka shprehur deputetja e Parlamentit të Ukrainës, Inna Sovsun.
Ajo përmes një shkrimi në Twitter, ka thënë se fajtore për situatën e krijuar në veri të Kosovës, është Serbia dhe se Ukraina sipas saj e mbështet Kosovën në shtrirjen e sovranitetit të saj.
Ajo e ka përmendur presidenten e Kosovës, Vjosa Osmani dhe shefen e grupit parlamentar të LVV-së, Mimoza Kusari, duke iu bërë thirrje që të mos dorëzohen karshi provokimeve të Serbisë.
“Në këto momente të tensionuara, kur #Serbia edhe një herë po përshkallëzon konfliktin me Kosovën, unë shpreh qartë mbështetjen time për kosovarët. Mimoza Kusari, Vjosa Osmani, Ukraina qëndron me Kosovën. Sovraniteti juaj nuk duhet të cenohet. Mos iu nënshtroni shantazheve perandorake”, ka thënë ajo.
In these tense moments, when #Serbia is once again escalating the conflict with #Kosovo, I clearly express my support for Kosovars.@mimozakusari, @VjosaOsmaniPRKS, #Ukraine stands with Kosovo🇺🇦🇽🇰
— Inna Sovsun (@InnaSovsun) December 11, 2022
Your sovereignty must not be violated. Don't succumb to imperial blackmail.
Rruga Press