Deputetja e VV-së për postin e presidentit/es: Tani që duhen 80 vota, opozita prapë po shantazhon e po bllokon sikur gjatë 2025-së

March 3, 2026 User2

Deputetja e Lëvizjes Vetëvendosje, Arbreshë Kryeziu-Hyseni ka thënë se për çështjen e pozitës së presidentit apo presidentes, është opozita është duke shantazhuar që sipas saj njësoj bëri edhe gjatë 2025-ës.

Ajo shkruan se Vetëvendosje mori besimin e 51.1 për qind të qytetarëve për çështjen e kryeministrit, por jo edhe për presidentin.

Lexo më shumë Serwer: Pasivizimi i adresave në Luginën e Preshevës, diskriminim administrativ ndaj shqiptarëve

“Për 1 vit e mbajtën peng Kuvendin, por pas krejt manipulimeve, populli ia dha VETËVENDOSJE!-s 51.1% edhe i tha qeverisë vet. Mirëpo ky 51% i dha fuqinë me zgjedh Kryeministrin, por jo edhe Presidentin. Tani që duhen 80 vota, opozita prapë po shantazhon e po bllokon sikur gjatë 2025-së. Meqenëse nuk arritën ta bllokojnë si Kryeministër, po dojnë me përdor Presidentin si mjet për me blloku prapë punën e tij si Kryeministër. Pse kjo bllokadë? Populli foli në dhjetor, tash çka po pritni se ndryshon edhe me një palë zgjedhje shtesë pas dy muajve? Ky është destruktivitet që nuk i ndihmon asnjë partie, e më së paku Kosovës!”, ka shkruar ajo.

Lexo më shumë 'Aksi nacional Librazhd-Prrenjas,e izoluar prej 11 ditësh', gazetarja: Rruga e bllokuar i detyron të sëmurë e të moshuar të ecin në këmbë

Rruga Press