Deputetja britanike Alicia Kearns viziton sot Kosovën. Pritet nga Kryetari i Kuvendit, Konjufca

Deputetja e Parlamentit të Britanisë së Madhe, Alicia Kearns do të vizitojë Kosovën.

Ajo sot do të pritet nga kryetari i Kuvendit të Republikës së Kosovës, Glauk Konjufca.

Kearns ka qenë zë i Kosovës në Britani dhe në qarqe ndërkombëtare, duke i dalë në mbështetje vendin tonë dhe denoncuar Serbinë për përfshirjen e saj direkte ne ngritjen e tensioneve në veri të vendit.

Deputetja britanike qysh në pjesën e parë të këtij viti ka deklaruar publikisht se Serbia po armatos e paguan grupet kriminale në veri të Kosovës, që të shkaktojnë tensione.

Kearns ka dhënë edhe kritika për ndërmjetësit evropianë të dialogut që i vendosur pa të drejtë masa Kosovës, ndërsa që tani edhe pas aktit terrorist ende hezitojnë të vendosin sanksione ndaj Serbisë.

Rruga Press