Deputeti ukrainas: Nuk ka kompromis me parimet tona, ta njohim Kosovën
Deputeti i Parlamentit të Ukrainës, Oleksiy Goncharenko, ka folur në Twitter për takimin mes presidentit ukrainas, Volodymyr Zelensky dhe presidentit serb, Aleksandar Vuçiq në Greqi.
Ai ka thënë se Ukraina nuk duhet të bëjë kompromis me parimet e saj dhe duhet ta njoh pavarësinë e Kosovës.
Ai ka thënë se Serbia është aleate e Rusisë dhe nuk mund ta tërheqin atë drejtë anës së tyre.
“Serbia është aleate e Rusisë. Ne nuk do të mund ta tërheqim Serbinë në anën tonë. Dhe kjo nuk është për shkak se ne jemi shumë të këqij, por sepse popullsia e Serbisë mbështet Rusinë në një shumicë të pabesueshme. A duhet të takohemi atëherë? Po sigurisht. A duhet të bëjmë kompromis me parimet tona? Jo. Ukraina duhet ta njohë pavarësinë e Kosovës”, ka shkruar ai.
Presidenti serb, Aleksandar Vuçiq është takuar me presidentin ukrainas, Volodymyr Zelensky në Greqi.
Ai ka thënë se Greqia dhe Ukraina nuk do ta ndryshojnë qëndrimin ndaj Kosovës
Profesori amerikan, Edward Joseph, ka këshilluar presidentin ukrainas, Volodymyr Zelensky që të mos e zgjasë takimin me presidentin serb, Aleksandar Vuçiq në Greqi, të kthehet në Ukrainë dhe ta njohë Kosovën.
Zelensky met with the President of Serbia.
— Oleksiy Goncharenko (@GoncharenkoUa) August 22, 2023
Serbia is an ally of Russia. We will not be able to drag Serbia to our side. And this is not because we are so bad, but because the population of Serbia supports Russia in some incredible majority.
Do we need to meet then? Yes of… pic.twitter.com/APbncEtCCp
Rruga Press