Deputeti ukrainas, Goncharenko u drejtohet përfaqësuesve serbë në KE: Kosova shtet i pavarur, pranoni realitetin, jam i sigurt që edhe Ukraina do e njohë

Deputeti i Ukrainës në Asamblenë e Këshillit të Evropës. Oleksii Goncharenko, u është drejtuar ashpër përfaqësuesve serbë në këtë institucion.

Ai ka thënë se Serbia duhet të ndalojë karshi Kosovës dhe ta pranojë realitetin e shtetit të pavarur, se nuk mund të kthejnë diçka që ajo mendon se e ka humbur.

Goncharenko ka theksuar se nuk është në interesin e mirë të Serbisë që të vazhdojë me veprimet kundër Kosovës.

“Dua tu adresohem serbëve dhe Serbisë dhe tu them se nuk është në interesin më të mirë të Serbisë që ta bëjë këtë. Ata duhet të ndalojnë. Shikoni historinë, Gjermania pas Luftës së Parë Botërore e përçarë pranoi katastrofën e Luftës së Dytë Botërore, pas saj Gjermania pranoi realitetin, paqen në Evropë dhe u bë shtet i mrekullueshëm. Serbia duhet ta bëjë të njëjtën gjë, që ta ndërtojë një shtet normal, që të futet në BE, të mos tentojë të marrë mbrapsht diçka që ata mendojnë se e kanë humbur, edhe nëse mendojnë se e kanë humbur, e kanë humbur përgjithmonë. Është koha ta pranojnë këtë dhe ta vazhdojnë tutje. Le të themi se Kosova është Evropë, se i pranojmë në KiE dhe Serbia të lëvizë në të njëjtën drejtim”, ka thënë ai.

Lexo më shumë  Asociacioni i komunave me shumicë serbe, analisti boshnjak: Kosova nuk duhet të lejojë të “dejtonizohet”

Goncharenko ka shtuar tutje se Evropa duhet të jetë e bashkuar për të ecur përpara për të siguruar stabilitet dhe paqe.

Ndërsa, ka bërë thirrje te shtetet mosnjohëse që ta njohin Kosovën.

“Dua t’i adresohem shteteve që nuk e kanë njohur Kosovën shtet, ta bëjnë këtë. Ukraina, shteti im është një nga to. Kam sponsorizuar projektligjin në Parlamentin ukrainas që ta njohë pavarësinë e Kosovës dhe jam i sigurt se do të ndodhë shumë shpejt, sepse ky është realiteti. Duhet t’i emërojmë gjërat ashtu siç janë, ky është shtet i pavarur, tashmë ka ndodhur. Në interesin e të gjithëve në këtë kontinent veç pranoni realitetin dhe vazhdoni përpara”, ka thënë ai.

Lexo më shumë  Kurti: Në Stamboll nis një pjesë e mirë e zgjimit tonë kombëtar

Rruga Press

YouTube player

Leave a Reply

Your email address will not be published. Required fields are marked *

AlbanianEnglishFrenchGermanItalianPortuguese