Lajme

Deputetët e VV-së pas qëndrimit amerikan për Asociacionin: Zajednica nuk kalon

Deputetët e Lëvizjes Vetëvendosje kanë reaguar lidhur me qëndrimet e këshilltarit të Departamentit amerikan të Shtetit, Derek Chollet dhe të dërguarit të posaçëm të SHBA-së për Ballkanin Perëndimor, Gabriel Escobar, për Asociacionin e komunave me shumicë serbe.

Deputeti Artan Abrashi përmes një postimi në Facebook ka shkruar se “Zajednica nuk kalon”.

Abrashi ka shtuar se nuk e di se çka presidenti serb Alesandar Vuçiq dhe kryeministrja Ana Bërnabiq i kanë premtuar Cholletit e Escobarit.

“Nuk e di çka Vuqiqi e Brnabici i kanë premtuar Cholletit dhe Escobarit, por: Zajednica nuk kalon”, ka shkruar ai.

Ndërkaq deputetja e VV-së, Tinka Kurti ka thënë se Asociacioni i komunave me shumicë serbe i dobëson komunat me shumicë serbe dhe e forcon Serbinë.

“Kryetari i ardhshëm i Asociacionit do ta marrë aminin te Vuçiqi dhe Porfirije në Beograd, do t’i dominojë kryetarët e 10 komunave me shumicë serbe në Kosovë dhe do ta luftojë ministrin Nenad Rashiq në Prishtinë”, ka thënë ajo.

Lexo më shumë  “Serbisë në Banjskë i dhanë fund vetëm policët e Kosovës”, Gazeta ushtarake gjermane flet për tensionet e mundshme në veri

Rruga Press

YouTube player

Leave a Reply

Your email address will not be published. Required fields are marked *