Bota

Dënohet me burgim për ndarjen e çifteve refugjate ish-ministrja daneze

Ish-ministrja e imigracionit në Danimarkë është shpallur fajtore se ka ndarë në mënyrë të paligjshme çiftet e reja azilkërkuese, në një vendim historik, raporton BBC.

Gjykatësit vendosën se vendimi i Inger Stoejbergut i vitit 2016, për të ndarë çiftet ishte i paligjshëm dhe vendosën ta dënojnë me 60 ditë burgim.

Stoejberg ka thënë se është befasuar nga vendimi dhe tha se politika ishte krijuar për të luftuar martesat e fëmijëve.

“Nuk është vetëm unë që kam humbur, por edhe vlerat daneze”, tha ajo, duke shtuar se do ta pranojë vendimin.

Lexo më shumë  Papa thotë se plani i Trumpit për të dëbuar emigrantët është “turp”

Nga viti 2015 deri më 2019, Inger Stoejberg shërbeu si ministre e Imigracionit në një qeveri të qendrës së djathtë të mbështetur edhe nga Partia Populiste Daneze e krahut të djathtë.

Gjatë mandatit të saj ajo mbajti një qëndrim të ashpër ndaj imigracionit dhe futi dhjetëra kufizime. Mes tyre ishte edhe një urdhër në shkurt të vitit 2016 që refugjatet e martuara nën moshën 18-vjeçare nuk duhet strehuar me bashkëshortët e tyre.

Stoejberg urdhëroi ndarjen e 23 çifteve të martuara, para se ajo politikë të hiqej disa muaj më vonë.

Lexo më shumë  Vuçiqi takohet me zëvendëskryeministrin kinez, thotë se Kina po e mbështet Serbinë nga “ndërhyrjet e huaja” për të cilat akuzon Perëndimin

Mes tyre ishin edhe një çift sirian, Rimaz Alkayal atëbotë 17-vjeçare dhe bashkëshorti i saj Alnour Alwan 26-vjeçar, të cilët u ribashkuan pas një ankesa. Ata ishin detyruar të jetonin të ndarë për katër muaj, edhe pse ajo ishte shtatzënë.

Vendimi i Gjykatës Supreme në Danimarkë të hënën e lë karrierën politike të Stoejbergut në pikëpyetje.

Vendimi nuk mund të apelohet dhe dënimi me burg duhet vuajtur.

Stoejberg aktualisht është një deputete e pavarur, por mund ta humbasë ulësen e saj në një votim që do të bëhet për heqjen e saj nga parlamenti.

Rruga Press

YouTube player

Leave a Reply

Your email address will not be published. Required fields are marked *