Dënohet me burgim aktivisti rus i të drejtave të njeriut, OIeg Orlov

Një nga aktivistët më jetëgjatë dhe më të respektuar të të drejtave të njeriut në Rusi, Oleg Orlov, është dënuar me dy vjet e gjysmë burg për denoncimin e luftës në Ukrainë.

Orlov, i cili është 70 vjeç, ka shërbyer për më shumë se dy dekada si një nga drejtuesit e organizatës për të drejtat e njeriut ‘Memorial’, e cila fitoi një pjesë të çmimit Nobel për paqe në vitin 2022, një vit pasi u arrestua në Rusi.

Ai u akuzua nga prokurorët rusë për “diskreditim” të ushtrisë ruse në një artikull në mediet franceze, ku ai shkruante se trupat ruse po kryenin “vrasje masive” në Ukrainë dhe se vendi i tij “kishte rrëshqitur përsëri në totalitarizëm”, njofton ‘The Guardian’.

Orlov ka qenë një kritik i hapur i luftës në Ukrainë.

Prokurorët kanë kërkuar të hënën që ai të dënohet me dy vjet e gjysmë burgim.

Vendimi erdhi pas një rigjykimi pasi Orlov ishte urdhëruar më parë të paguante një gjobë. Duke nënvizuar se sa pak tolerancë ka pushteti i presidentit, Vladimir Putin, për kritikat për pushtimin e saj në Ukrainë, prokuroria apeloi gjobën, duke kërkuar një dënim më të ashpër.

Në fjalën e tij përmbyllëse në gjykatë, Orlov pohoi se ai nuk kishte kryer asnjë krim dhe nuk ishte penduar për asgjë, përkundrazi, kritikoi shtetin “totalitar” dhe “fashist” rus.

Duke folur me gjykatësin dhe prokurorin, Orlov tha: “A nuk është e frikshme të shikosh se në çfarë po shndërrohet vendi ynë, të cilin ndoshta edhe ju e doni? A nuk është e frikshme që në këtë absurditet, në këtë distopi, ndoshta nuk do të duhet të jetoni vetëm ju dhe fëmijët tuaj, por edhe, Zoti na ruajt, nipërit e mbesat tuaja.”

Rruga Press