Dëmshpërblimi për familjen/ Manipulimi i Ramës me vrasjen e Klodian Rashës

December 14, 2020 user 1

Me një akt të denjë për ato që kemi parë me familjet e 26 viktimave të Gërdecit, qeveria Rama ka tentuar të blejë sot gjakun e Klodian Rashës. Por edhe në ato pak rreshta të vendimit të kabinetit, që i lidh familjes një pension të përmuajshëm, nuk është evituar dot tentativa për manipulim. Me një vendim të firmosur me dorën e vet, Edi Rama e ka shpallur vrasjen policore të Klodian Rashës si “humbje jete aksidentale”.

Kjo nuk është ‘loja” e vetme me të riun 25 vjeçar të vrarë nga policia. Ndonëse dyshohet se polici Nevaldo Hajdëraj, që ka qëlluar mbi të nuk ka bërë procedurën e nevojshme të paralajmërimit përpara se të qëllonte, ai po akuzohet për “vrasje në kapërcim të kufijve të mbrojtjes së nevojshme” që nuk parashikon një dënim më të madh se sa 7 vjet (pra realisht 2-3 vite burg).

Lexo më shumë Bulliqi dhe Aliu nënshkrujanë memorandum bashkëpunimi në vlerë mbi 1 milion euro

Që në fillim të ngjarjes policia e Sandër Lleshajt dhe Ardi Veliut u mundua ta zgogëlojë peshën e këtij krimi. Në njoftimin e parë, policia tha se Klodian Rasha “është larguar me vrap duke i drejtuar punonjësit të policisë një send të fortë në dukje armë zjarri”. Mediat e pushtetit e morën këtë informacion duke përligjuar me faktin se viktima mund të shtinte me arëm kundrejt efektivit të Shqiponjave.

Po në të njëjtën deklaratë u shtrëmbërua e vërteta duke aluduar se polici qëlloi në errësirë të plotë ndërkohë që investigimi i mëpasëm tregoi se në momentin e vrasjes kishte ndriçim mjaftueshëm. Edhe mediat i kanë nxjerrë njëra pas tjetërs këto manovra të drejtuesve të rendit për ta fshehur ngjarjen.

Lexo më shumë Në letrën drejtuar kreut të OKB-së, të rinjtë nga Serbia ekspozuan gënjeshtrat e regjimit të Vuçiqit dhe mbështetën rezolutën për Srebrenicën

Por vetëm pasi nuk arritën dot ta manipuloni ngjarjen për të cilën kryeministri Rama nuk foli tre ditë me radhe dhe pasi u pa impakti i saj i madh në publik, shefi i qeverisë vendosi të tregojë karrotën në vend të shkopit.

Njërëz të afërt me të arritën të sigurojnë një vizitë në shtëpinë e Klodianit ku Rama bëri edhe premtimin për një pension të përmuajshëm për familjarët e viktimës. Dhe vetëm pas bleu heshtjen e tyre krueministri iu kthye versionit fillestar të ridimensionimit ët vrasjes duke e konsideruar atë në vendimin e qeverisë si “aksident”.