Ćudić: Palmer favorizonte shkëmbimin territorial. Vlora Çitaku më la të kuptoj se duhet të hesht

Sabina Ćudić është zv.presidente e partisë boshnjake “Nasa Stranka”. Në emisionin “A Show”, me gazetarin Adi Krasta, ajo u shpreh se kishte qenë e ftuar, në prill të vitit 2019, në Uashington të merrte pjesë në një panel k i ftuar ishte edhe Shpend Ahmeti, kryetari aktuali i Komunës së Prishtinës, si dhe me folës të tjerë.

Në mbëmjen e aktivitetit jozyrtar të asaj dite, në një festë kokteli në lidhje me atë konferencë, Ćudić shprehet të ketë patur një bisedë joformale me z. Matthew Palmer ku i ka shprehur këtij të fundit shqetësimin e saj rreth propozimit të atëhershëm për shkëmbime territoriale mes Kosovës dhe Serbisë, që do të kishte implikime për të gjithë rajonin.

Znj. Ćudić, i tha z. Krasta se nga biseda e saj me z. Palmer kuptoi se ky i fundit e mbështeste këtë ide.

“Kuptova se Palmer favorizonte idenë e ndryshimit të kufijve. Vlora Çitaku, asokohe ambasadore e Kosovës në SHBA, e pranishme në bisedë më kërkoi të mos përfshihesha mbi këtë çeshtje nëse Kosova dhe Serbia do arrinin marrëveshje. Ditën e nesërme me thanë të largohem nga diskutimi për Kosovën”, u shpreh zv. presidentja e partisë “Nasa Stranka”.

“Kam folur sepse nuk dua që Bosnja të jetë në prag të zbatimit të politikave të rrezikshme. Rezistenca që i bëri Kosova atij plani duhet të jetë frymëzim për vendin tim. “Kosova është e rëndësishme për mua sepse im shoq dhe im bir mbajnë pasaportë kosovare”, tha znj. Sabina Ćudić .

Në lidhje me këtë rast ajo ka shkruar edhe në llogarinë e saj në facebook, ku sqaron rreth këtij takimi të saj me z.Palmer dhe Vlora Çitakun.

Rruga Press