CNN pezullon gazetarin Chris Cuomo, ndihmoi vëllain ish-guvernator Andrew Cuomo

SHBA- CNN ka pezulluar për një kohë të pacaktuar gazetarin Chris Cuomo. Mediat e huaja raportojnë se pezullimi erdhi pasi u zbulua  pasi se ai kishte një rol më të madh se sa dihej më parë në ndihmën për të mbrojtur vëllain e tij, ish-guvernatorin e Nju Jorkut, Andrew Cuomo, nga akuzat për ngacmim seksual që e detyruan të largohej nga detyra.

Sipas e-maileve dhe një transkripti të dëshmisë së tij.Gazetari i CNN-it kishte kërkuar informacion nga disa burime mbi akuzueset e vëllait të tij dhe ia kishte kaluar informacionin personelit të guvernatorit, si edhe kishte qenë aktiv në hartimin e përgjigjeve ndaj akuzave.

“Zyra e Prokurorit të Përgjithshëm të Nju Jorkut publikoi transkriptet dhe ekspozitat të hënën që hedhin detaje të reja mbi përfshirjen e Chris Cuomo në mbrojtjen e vëllait të tij. Dokumentet, të cilat nuk ishin të njohura për publikun, ngrenë pyetje serioze,” –tha CNN.

“Kur Chris na pranoi se ai kishte ofruar këshilla për stafin e vëllait të tij, ai theu rregullat tona dhe ne e pranuam këtë publikisht. Por ne gjithashtu vlerësuam pozicionin unik në të cilin ai ishte dhe kuptuam nevojën e tij për të vënë familjen në vend të parë dhe punën në vend të dytë. Si rezultat, ne e kemi pezulluar Chris për një kohë të pacaktuar, në pritje të vlerësimit të mëtejshëm.“-përfundoi CNN.

Chris Cuomo tha se ai kishte kontaktuar gazetarë të tjerë për të marrë vesh nëse ata po shkruanin për vëllanë e tij. Andrew Cuomo dha dorëheqjen në gusht për t’iu shmangur një gjyqi për shkarkimin e tij, pasi një hetim zbuloi se ai kishte ngacmuar seksualisht të paktën 11 gra.

Rruga Press