Çka eksportoi dhe importoi Kosova më së shumti gjatë vitit 2023?

January 17, 2024January 17, 2024 user 1

Në vitin 2023, Kosova eksportoi më së shumti dyshekë, ndërsa importoi më shumë naftë, sipas një tabele të publikuar të mërkurën nga Instituti GAP, bazuar në të dhënat e Doganës së Kosovës.

GAP publikoi 10 kategoritë e produkteve më të eksportuara dhe importuara nga Kosova më 2023.

Në listën e eksporteve, dyshekët prin me 12.1 për qind të eksportit. Plastika zë vendin e dytë me 6.6 për qind, ndërsa tuba prej çeliku dhe hekuri renditen në vendin e tretë.

Lexo më shumë Ministri kroat: Situata në Kosovë nuk është e mirë. Të gjitha këto situata u shkaktuan nga pala serbe

Pijet freskuese (4.2%), mobilie (3.9%), mbetje dhe skrap hekuri (3.7%), struktura të hekurit apo çelikut (2.8%), energji elektrike (2.4%), pllaka dhe shirita prej plastike (2.4%) dhe kostume (2%) – janë në listën e produkteve më të eksportuara nga Kosova.

Në listën e importeve, nafta është e para me 10.2 për qind, ndjekur nga vetura dhe mjete të tjera motorike 7.9 për qind dhe tuba prej hekuri apo çeliku 2.5 për qind.

Lexo më shumë Musliu: Të hënën në veri u pa i maskuar Aleksandar Bozhoviq – shok i pjesëtarëve të grupit terrorist të Radoiçiqit

Energji elektrike (2%), cigare (1.9%), pije freskuese (1.7%), medikamente (1.6%), biskota dhe produkte të tjera buke (1.5%), gjedhe (1.5%) dhe çimento portland (1.3%) – janë në listën e produkteve më të importuara nga Kosova.

Rruga Press