Christopher Hill bëhet Këshilltar i Lartë në organizatën serbe

Ish-amasadori amerikan Christopher Hill, i cili deri në vitin 2024 ishte Ambasador i ShBA-së në Beograd ka marrë një rol të ri, brenda organizatës serbe “Iniciativa Pupin” si Këshilltar i Lartë.

Kjo organizatë jo-qeveritare që e ka marrë emrin nga shkencëtari dhe diplomati serb që jetoi në Amerikë, Mihajlo Idvorski Pupin, synon që përmes angazhimeve të saj të afrojë Shtetet e Bashkuara të Amerikës me Serbinë.

Pupin përgjatë qëndrimit në ShBA loboi për interesat serbe dhe ngritjen e pozitës së vendeve sllave të Ballkanit pas Luftës së Parë Botërore, si dhe loboi fuqishëm për krijimin e Mbretërisë Serbo-Kroato-Sllovene (Jugosllavia e Parë).

Përveç se angazhon diplomatë serbë në ShBA, kjo organizatë që në thelb është organizatë serbe lobimi, tashmë ka marrë në gjirin e saj edhe ish-ambasadorin Christopher Hill, i cili do të duhet ta ndihmojë Iniciativën Pupin në përafrimin e ShBA-së me Serbinë apo nëse duam të braktisim eufemizmat: do t’i duhet të bëhet lobist i interesave të Serbisë në ShBA.

Më poshtë gjeni fotografinë që paraqet tekstin e shpalljes së angazhimit të ish-ambasadorit Hill në këtë organizatë, ndërsa tekstin e plotë e gjeni duke klikuar këtu në website-in e Iniciativës Pupin:

Rruga Press