Çfarë do të përmbajë libri i princit Harry dhe a duhet të frikësohet pallati nga ky libër?
Libri i Princ Harry-t do të përqendrohet tek vdekja e Princeshës Diana. Megjithëse në fillim thuhej se libri do të fliste për fëmijërinë e tij, largimin nga rolet mbretërore dhe përplasjet e vazhdueshme me familjarët, në fakt, do të fokusohet tek e ëma e ndjerë.
Ekspertja mbretërore dhe autorja Angela Levin tha se libri i Dukës do të përqendrohet tek tragjedia e tmerrshme që kaloi kur ishte fëmijë. “Më është thënë nga një burim i mirëinformuar se kujtimet e Harry-t do të përqendrohen shumë në vdekjen e nënës së tij Princesha Diana, dhe kë ai fajëson.”, shkroi ajo.
Libri, aktualisht pa titull, thuhet se është shkruar pothuajse plotësisht dhe pritet të dalë në fund të vitit 2022. Të ardhurat ka të ngjarë të jenë me miliona dhe, megjithëse kushtet e sakta financiare nuk u bënë të ditura, Harry do t’i dhurojë për bamirësi.