Çeku: Janë mbi 1 mijë monumente që forcat serbe i kanë shkatërruar gjatë luftës, do të kërkojmë dëmshpërblim për to

July 16, 2022 user 1

Ministri i Kulturës, Rinisë dhe Sportit, Hajrullah Çeku, deklaroi sot se në Kosovë janë mbi një mijë monumente të cilat janë shkatërruar nga forcat serbe gjatë luftës së fundit.

Në një konferencë për media, ministri bëri të ditur se Komisioni Shtetëror për Dokumentimin e Shkatërrimit të Trashëgimisë Kulturore të Kosovës gjatë periudhës së luftës, tashmë ka hyrë në fazën finale të punës së tij.

Lexo më shumë Kurti në Ferizaj: Nga Amerika po blejmë raketa dhe do të blejmë edhe helikopterë

“Databaza e cila është duke u populluar me monumentet e shkatërruara gjatë luftës ka kaluar numrin një mijë të aseteve të shkatërruara në mënyrë të qëllimshme nga forcat serbe”, tha Çeku para mediave.

Ai shtoi se Komisioni në fjalë është duke punuar me dinamikë të shtuar për ta prodhuar draftin e parë të raportit dhe për të nxjerrë “faturën” e dëmshpërblimit që do t’i dërgohet Serbisë.

Ministri mes tjerash foli edhe për fushatën publike që dikasteri i cili udhëheqë ka nisur për kthimin në Kosovë të artefakteve të vjedhura nga Serbia.

Lexo më shumë Dhurata e qeverisë/ Thesari u pagoi peshkaqenëve të buxhetit miliarda lekë paradhënie për punë të pakryera

“1247 artefakte që mbahen padrejtësisht në muzeun e Serbisë do të jenë pjesë e raportit”, përfundoi Çeku.