Burimi i BE-së: Bisedimet po zhvillohen për përjashtimin e Rusisë nga G20

Bisedimet janë duke u zhvilluar për mundësinë e heqjes së Rusisë nga G20 ndërsa lufta në Ukrainë vazhdon.

Këshilltari për sigurinë kombëtare të SHBA-së, Jake Sullivan, u tha gazetarëve se nuk besonte se me Rusinë mund të kishte “biznesi si zakonisht”, kur u pyet nëse presidenti Joe Biden ishte konsultuar për një dëbim të mundshëm.

Ai tha: “Ne besojmë se nuk mund të ketë biznes si zakonisht me Rusinë në institucionet ndërkombëtare dhe në komunitetin ndërkombëtar.”

Z. Sullivan vazhdoi duke thënë se SHBA do të duhet të konsultohet me aleatët përpara se të marrë ndonjë vendim.

Një burim i Bashkimit Evropian konfirmoi veçmas për Reuters se diskutimet për statusin e Rusisë po zhvilloheshin në takimet e G20.

“I është bërë shumë e qartë Indonezisë se prania e Rusisë në takimet e ardhshme ministrore do të ishte shumë problematike për vendet evropiane,” tha burimi.

Ajo vjen pasi Kina sot u duk se doli në mbështeje të Rusisë dhe tha se “asnjë anëtar nuk ka të drejtë të largojë një vend tjetër” nga G20.

Zëdhënësi i Ministrisë së Jashtme kineze Wang Wenbin tha në një konferencë shtypi: “Asnjë anëtar nuk ka të drejtë të heqë një vend tjetër si anëtar.

“G20 duhet të zbatojë multilateralizëm të vërtetë, të forcojë unitetin dhe bashkëpunimin.”

© Rruga Press