Britanikët e kapur në Ukrainë, rrezikojnë dënimin me vdekje para gjyqtarëve rusë

Dy britanikë të kapur nga forcat ruse dhe të akuzuar si mercenarë janë paraqitur në gjykatë me akuza që parashikojnë një dënim të mundshëm me vdekje.

Aiden Aslin, nga Newark në Nottinghamshire, u pa në një video në Telegram së bashku me Shaun Pinner, nga Bedfordshire dhe Saaudun Brahim nga Maroku.

Ata po mbahen në Republikën e vetëshpallur Popullore të Donetskut, një rajon i shkëputur në lindje të Ukrainës.

Burrat thonë se po shërbenin me njësitë e rregullta ushtarake në Mariupol, kështu që duhet të mbrohen si robër lufte nga Konventa e Gjenevës.

Një britanik i tretë, Andrew Hill, gjithashtu përballet me akuza pasi u kap në zonën e Mykolaiv. Përkatësia e tij është e paqartë.

Presidenti i Republikës Popullore të Donetskut, Denis Pushilin, i ka akuzuar burrat për krime “monstruoze”, si përpjekja për të marrë pushtetin dhe krime kundër grupeve të njerëzve.

Ai tha se gjyqi i tyre do të hapet në gjykatën e lartë të rajonit.

Rruga Press