Britania po furnizon Ukrainën me armë për vetëmbrojtje
Britania po furnizon Ukrainën me raketa antitank me rreze të shkurtër veprimi, për vetëmbrojtje pasi Rusia grumbulloi rreth 100,000 trupa në kufirin e saj, tha sekretari amerikan i mbrojtjes, Ben Wallace.
Wallace u tha deputetëve se një ekip i vogël trupash britanike do të dërgohej gjithashtu në Ukrainë për të ofruar trajnime.
Ai tha se kishte “arsye legjitime dhe reale për shqetësim” se trupat ruse mund të përdoren për një pushtim.
Mirëpo, Rusia mohon çdo plan pushtimi dhe akuzon Perëndimin për agresion.
Dhjetëra trupa britanike kanë qenë në Ukrainë që nga viti 2015 për të ndihmuar në trajnimin e forcave të tyre të armatosura, dhe Britania e Madhe gjithashtu ka marrë një angazhim për të ndihmuar në rindërtimin e marinës së Ukrainës pas pushtimit rus të Krimesë në vitin 2014.
Por Wallace ka thënë se Mbretëria e Bashkuar do të ofronte ndihmë shtesë për sigurinë në dritën e “sjelljes gjithnjë e më kërcënuese” të Rusisë.
Grupi i parë i armëve të lehta kundër blindave u dërgua të hënën, megjithëse sekretari i mbrojtjes nuk specifikoi llojin.
“Ukraina ka çdo të drejtë të mbrojë kufijtë e saj, dhe kjo paketë e re ndihme rrit më tej aftësinë e saj për ta bërë këtë,” u tha Wallace deputetëve.
Rruga Press