Britania e Madhe dhe BE bien dakord të koordinojnë sanksione sa më të shpejta kundër Rusisë

February 22, 2022 user 1

Sekretarja e Jashtme e Mbretërisë së Bashkuar Liz Truss ka njoftuar se ka biseduar në telefon me shefin e politikës së jashtme evropiane, Josep Borrell.

Ajo në Twitter njoftoi se dyshja ranë dakord se Britania dhe BE-ja të “koordinojnë sanksione të shpejta kundër regjimit të Putinit” dhe zotohen se “do të qëndrojnë krah për krah me Ukrainën”.

Lexo më shumë Pas fitorës së raundit të parë të zgjedhjeve nga kandidati anti-Nato, Presidenti i Rumanisë mbledh Këshillin e Lartë të Mbrojtjes për cënimet e sigurisë nga Tiktok-u

Ajo shton se ka folur gjithashtu me ministrin e Jashtëm të Ukrainës, Dmytro Kuleba, për t’i ofruar “mbështetjen e plotë” të saj dhe për të diskutuar sanksionet që Britania e Madhe me aleatët do të zbatojë kundër Rusisë.

Ndërkohë edhe Shtëpia e Bardhë ka njoftuar se presidenti Joe Biden ka biseduar në telefon me presidentin e Ukrainës të cilit i ka premtuar se SHBA-të dhe partnerët e saj do t’i përgjigjen Rusisë së Putini me shpejtësi dhe vendosmëri.

Lexo më shumë Ushtarët rusë po vdesin masivisht në Ukrainë