BQK: Remitancat arritën vlerën rreth mbi 1 miliard e 343.4 milionë euro

February 29, 2024February 29, 2024 user5

Banka Qendrore e Republikës së Kosovës (BQK), ka publikuar statistikat financiare për institucionet tjera financiare (jobanka) dhe remitancat për muajin janar 2024.

“Remitancat deri në fund të dhjetorit 2023 arritën vlerën rreth 1,343.4 milionë euro, e cila paraqet rritje vjetore prej 10%”, njofton BQK, raporton RTKlive. Sipas vlerësimeve preliminare, të BQK-së remitancat për muajin janar 2024 ishin rreth 84.6 milion euro. “Prurjet më të mëdha edhe gjatë këtij muaji kanë qenë përmes IFJB 63.3%, përmes bankave 19.4%, ndërsa kanalet tjera 17.3”, njofton BQK.

Lexo më shumë Ndahen mbi 690 mijë euro për ndërtimin e rrugës që shpie tek “Ujëvara e Mirushës”

Kurse, asetet e kompanive të sigurimit në fund të muajit janar 2024 arritën vlerën 312.2 milionë euro, e cila përfaqëson rritje për 6.8 milionë euro krahasuar me muajin paraprak

“Asetet e fondeve pensionale në fund të muajit janar 2024 janë rritur për 41 milionë euro krahasuar me muajin paraprak duke shënuar vlerën rreth 2.75 miliardë euro”, njofton BQK.

Lexo më shumë Shqipëria me lindjet në nivelin më të ulët historik, shtesa natyrore kthehet negative në 3-mujorin e parë

Rruga Press